പത്തനാപുരം: സമ്പാദ്യം മുഴുവന് നഷ്ടപ്പെട്ടതോടെ മാനസിക വിഭ്രാന്തിയിലായിരുന്ന മധ്യവയസ്കന് (57) ആശ്രയമായി പത്തനാപുരം ഗാന്ധിഭവന്.
അഞ്ചല് തടിക്കാട് അല് അമീന് മന്സിലില് ഫാറൂഖ് സുഹൃത്തുക്കളുമായി ചേര്ന്നു നടത്താനിരുന്ന ബിസിനസിലേക്ക് പണം നല്കുകയും അതുമായി അവര് കടന്നു കളയുകയും ചെയ്തതോടെ മനസിന്റെ താളം തെറ്റുകയായിരുന്നു.
തുടര്ന്നു നാട്ടില് എത്തിയ ഫാറൂഖിനെയും പ്രായാധിക്യം മൂലം കിടപ്പിലായ അമ്മയെയും ഒരുമിച്ച് നോക്കാനുള്ള ബുദ്ധിമുട്ട് മൂലം സാമൂഹിക പ്രവര്ത്തകരുടെ ഇടപെടലില് സഹോദരന് മുഹമ്മദ് അലി സഹീര് ഗാന്ധിഭവനില് എത്തിക്കുകയായിരുന്നു. ഫാറൂഖിന്റെ ദയനീയാവസ്ഥ മനസിലാക്കിയ ഗാന്ധിഭവന് സെക്രട്ടറി പുനലൂര് സോമരാജന് ഇദ്ദേഹത്തിന് ആവശ്യമായ ചികിത്സകളും പരിചരണവും നല്കുമെന്ന് ഉറപ്പുനല്കി.